Serokê herêma federal a Kurdistanê Mesût Barzanî diyar kir ku, operasyoneke Tirkiyê yê derveyê sînor, wê ji bo hemû herêmê bibe felaketek.

Barzanî daxuyaniyek da televîzyona EURONEWS û careke din dijberiya xwe ya li hemberî operasyoneke mûhtemel ya artêşa tirk, anî ziman.

Barzanî dazanîn ku, heger Tirkiye operasyoneke li hemberî herêma wan pêkbîne, di serî de Kurdistan, wê hemû Iraqî bersiveke bi hêz bidin Tirkiyê.

Barzanî, li ser pirsa `ji ber operasyoneke mûhtemel hûn bi fikar in` jî got ku; Tirkiye bi operasyonê wan tehdît dike, lê belê çareseriya herî baş, bi diyalogê mumkun e.