Rêberê KCK'ê Abdullah Ocalan ji kurdistaniyan û DTP'ê xwest ku pêvajoya nû baş û rast fêm bikin û got ku di demeke kin de wê niyata AKP'ê diyar bibe.

Ocalan ji bo çareseriyê jî got ku pêwiste dewleta tirk wekî neteweya demokratîk kurdan qebûl bike û ji ber mirina hunermend Aram Tîgran jî xemgîniya xwe anî ziman.

Ocalan pêr hevdîtina bi parêzerên xwe re pêk anî û derbarê pêvajoya dawî de dîtinên xwe anîn ziman û peyamên girîng dan.

Ocalan girîngiya birdariya kurdan anî ziman û got ku, pêwist e kurd xwe bi biryar bikin û wekî berê berpirsyariyê neavêjin ser wî.

Ocalan da zanîn ku bi nêzîkatiya berê çareserî û têkoşîn nameşe û got: 'Pêwist e êdî wekî berê ne li benda tiştan bin û pêwist e êdî herkes xwe bi biryar bike'.

Rêberê KCK'ê Abdullah Ocalan ji kurdistaniyan û DTP'ê xwest ku pêvajoya nû baş û rast fêm bikin û got ku di demeke kin de wê niyata AKP'ê diyar bibe.

Ocalan ji bo çareseriyê jî got ku pêwiste dewleta tirk wekî neteweya demokratîk kurdan qebûl bike û ji ber mirina hunermend Aram Tîgran jî xemgîniya xwe anî ziman.

Ocalan pêr hevdîtina bi parêzerên xwe re pêk anî û derbarê pêvajoya dawî de dîtinên xwe anîn ziman û peyamên girîng dan.

Ocalan girîngiya birdariya kurdan anî ziman û got ku, pêwist e kurd xwe bi biryar bikin û wekî berê berpirsyariyê neavêjin ser wî.

Ocalan da zanîn ku bi nêzîkatiya berê çareserî û têkoşîn nameşe û got: 'Pêwist e êdî wekî berê ne li benda tiştan bin û pêwist e êdî herkes xwe bi biryar bike'.

Rêberê KCK'ê Abdullah Ocalan destnîşan kir ku gel wê li derve û ew bi xwe jî, wê li Îmraliyê xwe bi biryar bike û bi vî rengî ewê vê pêvajoyê bi hev re pêş bixin.

Ocalan pêvajoya nû, wekî pêvajoyeke cûda nirxand û got: 'Ev pêvajo, ji ya dema Mustafa Kemal Komar ava kir, girîngtir e. Di vê pêvajoyê de, wê civakeke demokratîk were afirandin. Civaka Tirkiyê jî, demokrasî û çanda demokrasiyê fêr bibe. Yanî wê encamên qasî dema avakirina komarê bandor bikin, derkevin holê.

Ocalan banga berpirsyarî û hesasiyê li hemî derdoran, bi taybetî jî kurd û DTP'ê kir û ji wan xwest ku pêvajoya nû rast û baş fêm bikin, da ku karibin bi awayekî rast pêwisiyên wê bi cih bînin.

Ocalan derbarê hewldanên AKP'ê de jî axivî û got: 'Wê AKP nikaribe pêvajoyê dirêjtir bike. Wê nikaribe heta sala nû jî bisekine. Wê planê wê piştî îlonê diyar bibe û heta 2-3 mehan jî niyata wê ya rastîn derkeve holê. Emê fêr bibin ka bi rastî ji bo çaresriyê ji dile an na?.

Ocalan bi bîr xist ku pisporê Emerîkî Henrî Barkey gotiye heger AKP tiştên civakê tatmîn bike neke, wê têk biçe û belav bibe û got:' Ev tespîta Barkey di cih de ye.

Ocalan, helwestên MHP û CHP'ê jî bi zimanekî tûnd rexne kirin û got: 'Pêwist e MHP û CHP li pêşiya çareseriyê nebin asteng. Heger bibin asteng, wê heta 6 mehan têk biçin û wê rihê pêvajoya nû wan biqedîne'.

Ocalan rola dewletê ya ji bo çareseriya pirsgirêka kurd anî ziman û got: 'Ez nabêjim, di çareseriya pirsgirêka kurd de, îleh dewlet tunebe. Wê dewlet hebe, lê belê dewleta ku, bi hurmet nêzî azadiya kurdan dibe. Wezîrê Karên Hundur behsa modeleke Tirkiyê dike. Tiştek çawa difikirin, di nav wê de çi heye, em nizanin. Lê belê Modela Tirkiyê girîng e. Heger ji dil bin, wê karibe ser bikeve'.

Rêberê KCK'ê Abdullah Ocalan modela xwe ya ji bo çareseriyê jî anî ziman û got: 'Di modela min de, dewlet hebe. Lê li aliyê din jî, wê Netewa Demokratîk a Kurd hebe. Wê kurd hebûna dewletê nas û qebûl bikin. Dewlet jî, wê mafê Netewa Demokratîk ya Kurdan qebûl bike. Bi vî rengî wê lihevhatin were. Ev tê vê wateyê. Civaka Sivîl wê demokratîk bibe. Yanî wê civakeke sivîl a demokratîk derkeve holê. Pişt re, heger dewlet dixwaze li her deverê wê ala wê hebe, heger bixwaze wê karibe xizmetê bibe her deverê û heger bixwaze wê karibe li her deverê tirkî fêr bike'.

Ocalan fikrên xwe yên derbarê gotina azadiya kurdan de hinekî din berfireh anîn ziman û got: 'Yanî wê pêşiya kurdan were vekirin. Kurd wê karibin di her warî de xwe rêxistin bikin. Hebûna kurdan wê wekî neteweye demokratîk qebûl bibe. Yanî saziyên spor, perwerdehî, rêxistinên olî, meclîs û şaredariyan, ku karibin bi xwe ava bikin û pêş bixin. Heta wê hêzên parastina rewa jî hebin, da ku karibin aloziyên hundurîn çareser bikin. Yanî wê kurd xwe bi awayekî demokratîk rêxistin bikin û xwe biparêzin. Civaka ku nikaribin rêxistiniya xwe pêk bîne, ev civakeke kerr û lal e'.

Ocalan bal kişand ser şertên xwe jî û got: 'Dewlet wê çawa naveroka tiştên dibêje tijî bike. Divê em vê nîqaş bikin. Di rewşeke wisa de jî, divê pêşiya min vekin û şertên min yên li vê derê baş bikin, da ku em karibin bi hev re bimeşin û bi hev re tiştan bikin.

Ocalan girîngiya zimanê dayikê jî anî ziman û got: 'Behsa perwerdehiya bi zimanê dayik û çandê dikin. Di çareseriya ez difikirim de, kurd jî û tirk jî, wê bi ziman û çanda xwe, jiyana xwe bidomînin. Her du wê li kêleka hev bin. Kîjan zêde bêxwestin û wê ev were xwestin'.

Ocalan bal kişand ser siyaseta Dewletên Yekbûyî yên Emerîkayê jî û got: 'Emerîka di sala 2007'an de piştgiriya xwe ya ji Gladîyoyê kişand. Lewma jî ez texmîn dikim wê ji niha û pê ve, tiştên bikin wê di çarçoveya qanûnan de bikin. Emerîka û hêzên siyasî yên din jî wê li Rojhilata Navîn siyaseteke nû bişopînin'.