Li gel hemî êrîş û operasyonên dewleta Tirk û Îranê, hejmara ciwanên tevlî gerîla dibin zêde dibe.

44 şagirtên nû yên tevlî HPG'ê bûbûn, perwerdehiya bingehîn qedand û dest bi jiyana gerîlatiyê kirin.

Dibistana Perwerdehiya Bingehîn a Gerîla ya Şehîd Bêrîtan, perwerdehiya dewreya bi navê Şehîd Kurtay qedand û 44 gerîlayên nû mezûn kirin.

Ji ber dawîbûna perwerdehiya bingehîn ya 44 gerîlayên nû, li qadên gerîla merasimek hate lidarxistin.

Endamê Konseya Leşkerî yê HPGê Derweş Suvar jî di nav de gelek fermandar û gerîla tevlî merasimê bûn.

Fermandarê HPGyî Derwêş Suvar di merasimê de axivî û bal kişand girîngiya tevlîbûna gerîla û got: Di dema êrîş û operasyonên li hemberî Tevgera Azadî dewam dikin de, tevlîbûna ciwanan ya gerîla, helwestek û berpirsyariyeke siyasiye.

Endamê Konseya Leşkerî yê HPGê got ku hetta siyaseta tunekirin û înkarê bidome, ewê jî berxwedanê berfireh bikin û hewldana dijminên kurd pûç derxin.