Gerilayên HPGê dereng neman û bersiveke tund dane serfermandariya artêşa tirk û herî kêm 30 leşkerên tirk hatin kuştin.

Serfermandariya artêşa tirk, şevê din ji nişka ve agahî li pey agahiya din dane raya giştî û di derbarê rêvebirên KCKê de, gotinên bê bawerî, bê binyat û derew yên spekulasyon weşandin.

Serfermandariya artêşa tirk, demeke dirêj e ku ji sedema darbeyên giran û dijwar yên gerîla ku li eskerên artêşa tirk didin û her roj bi dehan tabûtên esker bi ser malbatên wan de diçin, dest bi şerê psîkolojîk û propagandê kir. Berî niha jî eşkere bûbû ku rayedarên artêşa tirk, diçine mala eskerên kuştî û wan tehdît dikin, yan jî pera didina wan ku li hemberî kuştiyên xwe bêdeng bimînin.

Serfermandariya artêşa tirk, ji bo ku panîka nava esker û raya giştî veşêre, doh jî, piştî êrîşa li hemberî qereqola Bêzelê, serî li heman riyê da û di malpêr û telewizyonên tirk de, ragihandin ku Cemîl Bayik reviyaye welatekî cîran.

Serfermandariya artêşa tirk, heya niha jî dewleta cîran eşkere ne kiriye. Xwedê giravî stratejisyen û berdevkên serfermandariya artêşa tirk, dibêjin, Cemîl bayik belkî çûbe Iranê. Lê baş tê zanîn ku tovê belkî şîn nabe.

Çavkaniyên herêmî destnîşan kirin ku helîkopterên artêşa tirk, ji sibehî û vir ve, birîndar û kuştiyan li qereqola Bêzelê dikişînin Qişlaya fermandariya Fatîhê. Heman çavkaniyan destnîan kirin ku artêşa tirk, demeke dirêj e birîndar û kuştiyên xwe nabin nexweşxaneya û naxwazin windahiyên wan eşkere bibin.

Guhdarên hêja, Berdevkê çapemeniya HPGê, Rûbar Andok, tevlî bernameya taybet ya Radyoya Dengê Mezopotamya bû û got, windahiyên eskerên artêşa tirk, bêhtir ji 30 kuştiyan e û hejmara birîndar zêde ye.

Rûbar Andok destnîşan kir ku ev çalakî, ji bo fermandarê HPGê Adil Amed û Şehidên Biharî hatiye lidarxistin û çalekiyên bi vî rengî wê bi dijwarî berdewam bikin.

Herî dawî hate ragihandin ku di êrîşa li hemberî qereqola Bêzelê de, cebilxaneya eskerî hatiye teqandin, 2 top û gelek wesaîtên eskerî û makineek kar jî, bi tevahî hatine xera kirin. Çavkaniyên herêmî jî, destnîşan kirin ku topên, ji aliyê eskeran ve dihatin avêtin li nava gund diketin û xaniyê Hurşit Aysal, Harbi Gezer û Sabah Gezer ziyanên mezin dîtine, minîbûsa Sabah Gezer jî, ji sedeam topên artşa tirk, bi tevahî şewitî.

Heman çavkaniyan diyar kir ku eskeran ketin û derkeitna gundê Bêzelê qedexe kiriye û gundî bi zorê kirine hundir û derkeitna ji hundir jî qedexe kirine.