Serokatiya Konseya Rêveber a KCK'ê ji ber 1'ê gulanê, Cejna karker û kedkaran, peyama pîrozbahiyê weşand.

KCK bal kişand ser lîstikên sîstema kapîtal ya li hemberî kedê û got ku, îro jî hê ev lîstikên li hemberî karker û kedkaran dewam dikin.

KCK'ê da zanîn ku, li hemberî zîhniyeta sîstema kapîtal ku hertiştî wekî nirxê madî dibîne, hêza yekane ku mirovahî bigihîne jiyana demokratîk, wekhev û azad, hêza kedê ye.

Serokatiya Konseya Rêveber bi bîr xist ku, Rêberê wan Abdullah Ocalan, tevgera azadiyê li ser bingeha kedê ava kiriye û bi tercubeyên ji dîroka tevgera kedê, tevgera azadiyê pêş xistiye.

KCK'ê anî ziman ku, gelê kurd jî, geleke kedkare û got: 'Divê gelê kurd jî, Tevgera kedê ya cîhanê, wekî hevkareke bingehîn bibîne û di têkoşîna kedê de cih bigire, wê ev yek xizmetê qezencên kurdan bike'.

Konseya Rêveber a KCK'ê diyar kir ku, ew wekî tevger bedela alîgiriya kedê didin û got: ' Di dema ku em hewl didin, cejna rastî ya karker û kedkaran biafirînin de, şehadeta fermandarê mezin û mirovê kedê hevalê Adil û bi hezaran hevalên din, nîşan daye ku, tevgera me, çîna kedkar tesmîl dike. Bi vê rih û evînê, em cejna 1'ê gulanê ya li hemû karker û kedkaran pîroz dikin'.

KCK'ê ji hemû kurdistaniyan jî xwest ku, sibe bi awayekî girseyî tevlî pîrozbahiyên 1'ê gulanê bibin û ala biratî, demokrasî û azadiyê bilind bikin.

Li aliyê din, Koma Jinên Bilind KJB'ê jî, cejna 1'ê gulanê pîroz kir û banga tevlîbûna girseyî li hemû kurdistaniyan kir.