Navendên Çandên Mezopotamya NÇM wê bi meşeke hunermendan, balê dikişîne ser tecrîta li dijî Rêberê KCK'ê Abdullah Ocalan, operasyonên li dijî gerîla, zext û êrîşên dewleta tirk ên li dijî gel.

Komîteya Amadekar diyar kir ku, wê meş di 19'ê nîsanê de ji 15 bajarên Tirkiyê bi beşdariya bi sedan hunermenda dest pê bike û li kolana huner ya Amedê bi dawî bibe.

Ji rêveberên NÇM'ê Nûrûllah Batûr derbarê amadekariyan de li Amedê civîneke çapemeniyê lidarxist û bal kişand ser girîngiya meşê.

Batûr da zanîn ku, ziman, dîrok, çand û zanîna azadiyê, îfadeya nasnameyê ya gel îfade dikin û got: 'Israra di nasnameyê de jî, israra di jiyanê de ye. Ji ber vê, li ser vê mijarê rawestîn ne tenê wezîfeya siyasetmedaran, di heman demê de, wezîfeya hunermendan e jî'.

Batur anî ziman ku ewê bi meşê balê bikişînin ser daxwaza gelê kurd û tecrît, operasyon û êrîşên li dijî gelê kurd jî şermezar bikin.

Piştî civîna çapemeniyê jî, hunermendan bi belavokan ji gel ji bo meşê, piştgirî xwest.