Hêzên tirk di 24'ê adara 2006'an de li herêma Şenyayla ya Mûşê 14 gerîlayên HPG'ê bi çekên kîmyewî qetil kirin.

Ji 14 gerîlayan, 6 gerîla amadîbûn û malbatên wan ji bo veşartinê cenaze birin Amedê.

Lê belê hêzên tirk mudaxeleyê merasimên cenazeyan kirin û rê li ber bûyeran vekirin.

Hêzên tirk li Amedê 11, li navçeya Mêrdîn Qoserê 2 û li Batmanê jî, kurdistaniyeke bi giştî 14 kes kuştin û gelek kes jî birîndar kirin.

Di ser bûyeran re 2 sal derbasbûn, lê belê derbarê kujerên 14 kurdistaniyan û bi dehan birîndaran de tu doz nehate vekirin.

Serokwezîrê tirk Recep Tayîp Erdogan jî, wê demê çûbû Amedê, piştgirî dabû êrîşên hêzên tirk û gotibû, jin bin jî, zarok bin jî, wê hêzên ewlekarî tiştên pêwist bikin.

ÎHD û Baroya Amedê derbarê bûyeran de rapor amade kiribûn û sûcên hêzên tirk îspat kiribûn, lê belê dîsa jî derbarê kujer û êrîşkaran de, tu doz nehate vekirin.

Kurdistaniyan bi wesîleya 2'mîn salvegerê, êrîşên hovane yên hêzên tirk şermezar kirin, qûrbanên komkujiyan bi bîr anîn û careke din xwestin ku kujer û berpirsyarên êrîşan werin cezakirin.