Fermandariya Biryargeha Navendî ya YJA-STAR'ê balê kişand êrîşên demên dawî yên li dijî gelê kurd, ji malbatên 9 gerîla û şehîdên Newrozê re serxaxî xwest û soza tolhildanê da.

YJA-STAR'ê da zanîn ku, hêzên tirk ji ber darbeyên li Zapê ji gerîla xwarine, bi hemû hêza xwe, berê xwe dane hêzên gerîla yên Bakur û gelê kurdistanê.

YJA- STAR destnîşan kir ku, di encama şerê li Geliyê Hêzil de, endamê Konseya Leşkerî Abdulkerîm Ertaş bi navê kod Kûrtay Faraşîn jî tevî 8 hevalên xwe yên din jiyana xwe ji dest daye'.

Fermandariya Biryargeha Navendî ya YJA-STAR'ê destnîşan kir ku, hêzên tirk ji bo îradeya hêzên gerîla bişkînin êrîşên tunekirinê pêk tînin û got: "Weke hêzên YJA STAR'ê hesap pirsîna ji van êrîşan, deynê me yê rûmetê ye."

YJA STAR'ê 9 gerîlayên HPG'ê yên li Bestayê jiyana xwe ji dest dan jî, weke sembola berxwedana gelê Kurd bi nav kirin.

YJA STARê anî ziman ku di serî de berxwedana dayikên Kurd û jinan, berxwedana hemû ciwanan silav dikin û bang li hemû ciwanan dikin ku berê xwe bidin çiyayê Kurdistanê û di têkoşîna azadiyê de cîh bigirin.