Bi sedan kes berbi mala malbata  endamê Konseya Leşkerî ya HPG'ê Abdulkerîm Ertaş bi navê kod Kûrtay Faraşîn ve diherikin.

HPG'ê doh bi daxuyaniye nivîskî diyar kir ku, di şerê 12'ê adarê yê li herêma Bestayê de, endamê konseya Leşkerî ya HPG'ê Abdulkerîm Ertaş û 8 hevalên wî jiyana xwe ji dest dane.

Piştî ku nûçeya şehadetê hate bihîstin jî, kurdistaniyan berê xwe da malên malbatên 9 gerîlayan.

Li aliyê din Yekîtiya Ragihandina Demokratîk YRD'ê bi daxuyaniyekê Gerîla Esra Bulut bi navê kod Ekîn Sêwas a di heman şerî de jiyana xwe ji dest da bi bîr anî.

YRD got, bîranîna Bulut û hevalên wê, wê rêya şervanên azadiyê ronî bike.

"Ekîn Sêwas li cem hevalên mîna Gurbetellî, Cemşîd, Şîlan, Yildiz û Sîrwan ku berê bi awayekî çalak di xebatên ragihandinê de cîh girtin, şehîd ketin û bûn sembol, cihê xwe girt."