Parlementer, şaredar û rêveberên DTP'ê li Wanê çûn serdana kesên ji ber êrîşên hêzên tirk birîndar bûbûn.

Parlemetnera Amedê Aysel Tûglûk, Şaredarê Amedê Osman Baydemîr, Serokê DTP'a Amedê Nejdet Atalay, şaredarên Baxlar, Yenîşehîr û Erxaniyê jî di nav de, heyeteke DTP'yî ji bo lêkolînkirina bûyeran çû Wanê.

Heyeta DTP'ê li wir tevî parlementerên DTP'yî yên Wanê Ozdal Uçer, Fatma Kûrtûlan, şaredara Bostaniçîiyê Gulcîhan Şîmşek û rêveberên DTP'ê çûn serdana kesên ji ber êrîşan birîndar bûbûn.

Di serdana li Nexweşxaneya Dewletê ya Wanê de, şaredarê Amedê Osman Baydemîr axivî û diyar kir ku, ew ji bo piştgiriyê çûne Wanê.

Parlementera Amedê Aysel Tûglûk jî diyar kir ku, êrîşên li hemberî pîrozbahiyên Newrozê, şermezar kirin û xwest ku, êrîşkar ji wezîfeyê bên girtin.

Parlementera DTP'ê ya Wanê Fatma Kûrtûlan jî anî ziman ku, walî û mudurê polîsan yên Wanê êrîş berê plan kiribûn û got ku, ji bo walî û mudurê polîsan ji wezîfeyê bê-girtin çi ji destê wan were, ewê bikin.