Piştî Amedê îro jî Batmanê bi beşdariya 100 hezar kesî pîrozbahiya Newrozê ya bi heybet pêk anî.

Bi kincên xwe yên netewî Batmaniya qada mîtîngê xistin mîna derya rengan û Kurdistana Xweser û Demokratîk xwestin.

Jin, mêr, zarok ji 7 salî heta 70 salî, bi cil û bergên xwe yên netewî Batmaniyan qada newrozê veguherandin derya rengan.

Li qada pîrozbahiyê ala mezin a KCKê û posterê Ocalan hate daleqandin.

Serokê Koma DTPê Ahmed Turk, Parlamenter Ayla Akat Ata, Bengî Yildiz, Şaredarê Batmanê, Serokê DTP a Amedê, serokên navçe, şaredar û nunerên rêxistinên civaka sivîl beşdarî pîrozbahiyê bûn.

Di axaftinan de Kurdistana Xweser û Demokratîk, efuya giştî û başkirina şertên Ocalan hate xwestin.

Di dema pîrozbahiyê de helîkoptera leşkerî ser gel re firiya û girseyê li dijî vê yekê nerazîbûn nîşan da.

Paşê ji bo şermezarkirina zextan 5 deqe çalakiya rûniştinê hate kirin.

Di Newrozê de  axaftinên kurdî derketin pêş, ji bo Rêberê KCK'ê Abdullah Ocalan slogan hatin avêtin.