Gerîlayên HPG'ê jî, li Herêmên Parastinê yên Medyayê Newroz pîroz kirin.

Pîrozbahî li Qendîlê hate lidarxistin û Alîkara Serokê Konseya Rêveber a KCK'ê Sozdar Avêsta, Newroza Rêberê KCK'ê Abdullah Ocalan, ya gerîlayan û gelê Kurd pîroz kir.

Avêsta da zanîn ku li dijî konsepta tinekirin û înkarê gelê Kurd li berxwe daye û got, Newroza 2008'an di têkoşna azadiya gelê Kurd de bû mîlad.

Piştî axaftina Sozdar Avêsta , Koma Awazên Çiya derket ser dike û bi strana Oremarê her kes coşand.

Paşê gerîlayan bi hev re govend girtin.

Ji ber pîrozbahiyên Newrozê li gelek gund û girên Qendîlê jî agir hate dadan.

Li serê Qendîlê bi agirê Newrozê Apo hate nivîsandin.

Gerîlayan heta derengiya şevê tevî gelê herêmê Newroz pîroz kirin û xwe di ser agir re qevastin.

Gerîlayên ciwan yên nû tevlî HPG'ê bûne jî Newroz pîroz kirin.

Di pîrozbahiya gerîlayên nû de Endamê Konseya Rêveber a KCK'ê Duran Kalkan jî amade bû.

Kalkan, piştî ku silav li gerîlayan kir, axaftinek kir.